Bodi ya Utalii Tanzania- TTB kwa kushirikiana na Ofisi ya Ubalozi wa Tanzania unaowakilisha Uhispania sambamba wadau mbali wa Utalii kutoka sekta binafisi chini ya mwamvuli wa TLTO kwa pamoja wamefanikisha Ushiriki wa Nchini ya Tanzania katika onesho la 45 la FITUR jijini Madrid, hii ni kuanzia tarehe 22 hadi 26 January,2025.
Katika onesho hilo TTB iliongozana na wadau kumi (10) ambao ni mawakala na waendesha biashara za Utalii Nchini. Mpangilio pamoja na muonekano wa Banda la Tanzania vimewezesha Banda hilo kuvutia mawakala na wafanya biashara mbalimbali kutoka kote Duniani kutembelea na kupata taarifa sahihi za utalii kwa njia ya Kidijiti. Katika hatua nyingine, wadau kutoka sekta binafsi wamekuja na ubunifu wa kuuza vufurushi vya utalii na kupokea malipo kwa njia ya POS, hatua hiyo imewavutia wageni kuona vifurushi na kulipia ilipobidi.
Pamoja na kuonesha bidhaa, huduma na fursa za Uwekezaji zilizopo Nchini, Maafisa wa TTB na team ya maandalizi walitumia onesho kutangaza onesho la S!TE 2025 pamoja na kuwakaribisha buyers kutoka nchi mbalimbali, zoezi hilo limefanyika katika mabanda ya maonesho ya nchi na mashirika mbalimbali kama vile Japan, Spain, India, Thailand, Malysia pamoja na shirika la ndege la Uturuki (Turkish Airline), ifahamike kwamba TTB huandaa onesho kubwa la Utalii la S!TE kila mwaka hivyo kutafuta wanunuzi wa huduma na bidhaa za Utalii wa kimataifa ni sehemu ya madhumuni ya Ushiriki wa TTB katika onesho hili. Wakati huo huo, Mkurugenzi wa Masoko Ernest Mwamwaja ameweza kuzungumza wadau mbalimbali Kutoka Tanzania ambao wameshiriki onesho hilo nje ya mwavuli wa TTB kufahamu endapo wangependa kushiriki maonesho haya chini ya TTB wakati ujao.
Maonesho hayo yamemalizika tarehe 26.01.2025 huku banda la Tanzania likiwa Gumzo kwa kutembelewa na wageni kutoka kila kona ya Dunia waliofika na kuonja vyakula na vinywaji ya kitanzania.
Aidha mwenyekiti wa Bodi ya Wakurugenzi ya TTB, Mhe. Balozi Mstaafu, Dkt. Ramadhani Dau aliyefika kushuhudia onesho hilo amepongeza mashirikiano kati ya TTB, Ofisi ya Ubalozi pamoja na wadau katika kufanikisha ushiriki Wa Tanzania katika onesho hilo. Aidha, Mhe. Balozi. Dkt. DAU, amesema ni wakati sasa wa Tanzania kuwa na eneo kubwa ili kuwezesha wadau wengi zaidi kushiriki.
About The Author
Last modified: January 27, 2025
