KLABU ya soka ya Singida Black Stars (Ihefu Fc) imesema kuwa inatarajia kufanya tamasha kubwa (Singida Big Day)la kutambulisha wachezaji wake wapya mnamo Agosti 10 mwaka huu .
Akizungumza na Mwanahabari Blog Leo Afisa uhusiano wa klabu hiyo, Hussein Masanza alisema tamasha Hilo litafanyika katika uwanja wa CCM Liti mkoani Singida.
Masanza alisema timu mbalimbali ikiwemo inayomilikiwa navijana wa bodaboda ya Chamwapita zinatarajia kushiriki.
Alitaja timu zingine ambazo zimethibitisha kushiriki katika bonanza hilo kuwa ni, Rode Night, Veterani, Rezawra, Kirima, Sky Way pamoja na Star City.
Alisema mbali na timu hizi pia kutakuwa na burudani kutoka kwa msanii wa muziki wa kizazi kipya Hussein Machozi, pamoja na mkongwe wa hip-hop Darasa.
WASANII wengine watakaoshiriki ni Songa, Keiza, Jozz pamoja na Cryri Kamikaze.
Alisema ili kunogesha zaidi tamasha Hilo WASANII wazawa wa mkoa huo wamethibitisha kushiriki.
Aliwataja wasanii hao kuwa ni, Alute, Man Pota, Sahil Music, Dully Icetone, Jozz, Triple D, Tizo, J-Dram, Mseleba.
About The Author
Last modified: July 20, 2024
